無人睇咩? 無reply既?

我都想知宜家既BlackWine同之前有無唔同左.....

或者劉sir可否先寫少少，帶起討論?

劉Sir寫野冇幾可寫少少，鑊鑊都係一爆就好很多架喎．．．


不過可以先講俾各位冇去朋友聽：

「睇唔到Purple Express，你蝕左的唔止票價$80咁簡單」

本身無玩音樂底, 仲係初學, 技術層面上我搭唔到爹...


唯一可以講少少, 都係引用完場後隔離一個唔識既人所講:
「喺neway k房隨便執件都有啦!」
阿hing d台風都算唔錯, 仲愈睇愈似短頭髮+肥板timo kotipelto
但甩beat情況明顯需要正視
總括全隊, 玩得好唔好唔識講, 但玩到正唔正, 係正。
不枉我成個禮拜做足功課

同步播片既意念幾新鮮, 可以增加觀眾投入度, 不過可能只限於好似呢個theater咁既場地
因為坐得晌度, 距離又遠, 唔係聽, 就係望架啦
至於條片...撇除劇情, 就以選角而言, 似一部台灣式青春偶像劇, 演技一般, 探員係成班o靚仔咁, 破壞左少少幻想(幻覺?)

又因為個screen搞到鼓佬成晚不見天日
晌Theater搞band show d聲係好, 但代價人所共知。而畀我揀, 我都係揀去空地..

另外, 原來band show都可以係一家大細去既親子活動

至於流程, set鼓呢d位完全體諒
玩音樂唔需要口才好(只適用於地下樂壇), 我地都係黎聽音樂而唔係聽棟篤笑, 所以d 「悶場」都無所謂、體諒
當然, 呢d亦都係要進步既地方

DSC好正
Purple Express亦好正, 用驚喜形容的確好貼切
如果大哥丞、george係演奏既話, anthony就係表演 多一重視覺享受
purple express有冇出碟?!!!!!!!!
同埋有冇得睇返<追夢>條片?





[非人身攻擊] 賣$40隻碟個位男士態度令人反感

諗到再補

[ 本帖最後由 添毛青 於 2008-7-15 17:27 編輯 ]

如果需要人玩棟篤笑, 大可請我同劉sir

老實講
影得相黎
真係聽唔到幾多

你話你係咪7....

12/7 BlackWine音樂篇之《影子》

．BlackWine樂隊的演出？

blackwine 個主音老實講, 我真係聽唔到佢唱咩, vocal好細聲


．演唱會整體流程？
有warm up, 有encore, 幾好
加插medley of 80's 幾好, 我好鍾意


．硬件方面：場地、燈光、音響、影像等？

場地幾好坐得幾舒服
音響不錯, 結他都幾夠力水, 不過可以再行d, vocal細聲
燈光.....成晚有1支燈係咁左右擺射上我到, 幾辛苦
影像...放片真係幾有諗頭....不過睇得片黎做唔到其他野


．主辦單位就演唱會進度的協調？

．opening acts DSC及PURPLE EXPRESS？
2隊都係勁野, 一個字勁

．對演唱會整體各方面評價、反映？
好, 不過觀眾唔夠high, 太斯文, 太靜

．其他任何相關範疇？
個flow可以smooth d

．閣下的其他意見、評價？
同觀眾唔夠interactive, 未能帶起觀眾情緒



以上乃係本人既鳩up, 唔岩聽可以不理

以下是esufa兄於劉Sir個blog之回應

http://hk.myblog.yahoo.com/lausirisual/article?mid=666



．BlackWine樂隊的演出？
A: 我睇咗Blackwine都好幾年, 由Rock on, 佢哋第一隻碟個show, 樂手不斷進步, 真心寫, 個新主音要比多啲啲努力, 睇完星期六個show有少少懷念Marty, 至少, 佢到key, 把聲算夠, 新主音好多key都到唔到, 有少少甩, 最後嗰幾首直情聽唔到佢唱mud........ 結論: Blackwine所有樂手, 十分十分之正! 只是主音差少少, 期待下一次個show有進步!

．概念演出之編排？
A: 我有少少覺得有時掛住睇片而冇睇到Band, 其實都okay, 只係個screen個位摭咗個鼓手!

．演唱會整體流程？
A: 本地Band Show算係咁, 但要一個MC吧! 幾時完幾時Encore完全唔知!

．硬件方面：場地、燈光、音響、影像等？
A: 都okay, 只係DSC開頭個Bass太細聲, Purple Express個主音支結他太大聲........ 個Sound Engineer 要醒目少少吧............ 雖然, 一個人要做燈光加PA係好困難!

．主辦單位就演唱會進度的協調？
A: ok~!

．opening acts DSC及PURPLE EXPRESS？
A: both amazing!!! apart those "sound engineer's problem"

．對演唱會整體各方面評價、反映？
A: Very Good! Want MORE~!!!

．與六年前「追夢演唱會」相比？
A: For Blackwine, the musicians improve a lot! the video is far more better. But......... I miss Marty...........

我都有去到,不過我唔係咁識咩為之好唔好,因為我冇夾band, 更加唔好講技唔技術果d,音樂對我黎講就係鍾意同唔鍾意,岩聽同唔岩聽,如有失言,請勿打頭。

．BlackWine樂隊的演出？
   我好少睇llive的,我覺得好好呀~我鍾意d音樂丫~,第一次現場睇人玩9條弦bass,已經好開心~加上玩樂器果d哥哥係實力技術人員,已經達到我諗住入場聽音樂呢個目的,不過因為聽唔到個主音唱乜,又覺得佢果日好似唔係咁舒服咁,冇乜聲,又甩甩地,有少少失望。

．概念演出之編排？
   令人睇得投入d,因為覺得佢係講緊一樣野.....不過我只係知佢講緊個故事,唔知係咩概念,可能我理解能力低。

．演唱會整體流程？
   中間有少少斷片,少少間斷,不過現場樂隊演出,都係正常,一d都唔過份,最鍾意後斷...好好玩。

．硬件方面：場地、燈光、音響、影像等？
   場地坐得好舒服,不過冷氣好凍。d燈間唔中咁照出黎,對眼都幾唔舒服。音響好好,咩都好清楚。

．主辦單位就演唱會進度的協調？
   呢個唔知

．opening acts DSC及PURPLE EXPRESS？
   好鍾意

．對演唱會整體各方面評價、反映？
   精彩的表演,而且好有title,我咩都唔識入到場都覺得好好睇,主題清晰,唔會好似集散咁.....不過個影像同d音樂個感覺好唔match,硬係覺得怪怪咁
   台上台下的人都有互動,我第一次睇都感覺良好。

．其他任何相關範疇？
   場地冇指示,唔係問人都唔識路,可能因為我第一次去呢個地方。我識得有D人都唔知有呢場,話好想睇返。
   
．與六年前「追夢演唱會」相比？
   .....

．閣下的其他意見、評價？
   $80,超值4小時,幾時有下次